राष्ट्रपिता महात्मा गांधी व लालबहाद्दूर शास्त्री जयंती

अहिंसा दिन

जिल्हा परिषद प्राथमिक शाळा शिरसाड, ता- यावल जि- जळगाव येथे राष्ट्रपिता महात्मा गांधी आणि लालबहादूर शास्त्री यांची जयंती निमित्ताने प्रतिमांचे पूजन करून व पुष्पहार अर्पण करून अभिवादन करण्यात आले.

यावेळी शाळेतील विद्यार्थी देवयानी हिरालाल धनगर, खुशी नथू तडवी, खुशी लीलाधर काटे, आकांक्षा कैलास ठाकूर या विद्यार्थिनींनी महात्मा गांधी यांचे जीवनावर आधारित भाषणे सादर केली. शाळेतील शिक्षक संदीप पितांबर बारी, शेख महेबूब शेख बशीर, दीपक वसंतराव चव्हाण,  मुख्यमंत्री युवा कार्य प्रशिक्षण अंतर्गत प्रशिक्षणार्थी अर्जुन वसंत इंगळे यांनी विद्यार्थ्यांना राष्ट्रपिता महात्मा गांधी आणि लालबहादूर शास्त्री यांच्या जीवन कार्याविषयी माहिती सांगितली.

शाळेचे मुख्याध्यापक रवींद्र शामराव पाटील यांनी विद्यार्थ्यांना महात्मा गांधी व लालबहादूर शास्त्री यांच्या जीवनातील तत्त्वांचा अवलंब आपल्या जीवनात करून आपले जीवन यशस्वी करण्यासाठी प्रयत्न करावा असे मार्गदर्शन करून रघुपती राघव राजाराम या भजनाचे गायन  विद्यार्थ्यांकडून  घेतले. भाषण सादर केलेल्या विद्यार्थ्यांचे पेन देऊन अभिनंदन करून आणि उपस्थित विद्यार्थ्यांना खाऊ वाटप करून कार्यक्रमाची सांगता करण्यात आली.

 मुख्यमंत्री माझी शाळा सुंदर शाळा अभियान २०२३-२४ अंतर्गत तालुकास्तरीय द्वितीय क्रमांकाचे पारितोषिक 

  दि 19/07/2024 रोजी पंचायत समिती सभागृह यावल येथे झालेल्या कार्यक्रमांमध्ये मागील शैक्षणिक वर्ष 2023-24 मध्ये पार पडलेल्या मुख्यमंत्री माझी शाळा सुंदर शाळा अभियानांतर्गत विजय शाळांना पारितोषिकांचे वितरण करण्यात आले.

        यावेळी या अभियानात आपल्या जिल्हा परिषद प्राथमिक शाळा शिरसाड शाळेला यावल पंचायत समितीच्या BDO डॉ. मंजुश्री गायकवाड मॅडम, गटशिक्षणधिकारी श्री विश्वनाथन धनके साहेब, यावल तालुक्यातील सर्व केंद्रांचे केंद्रप्रमुख, इतर सन्माननीय मान्यवर यांच्या उपस्थितीमध्ये द्वितीय क्रमांकाचे पारितोषिक प्रदान करण्यात आले.

       यावेळी शाळा व्यवस्थापन समितीचे अध्यक्ष जावेद तडवी, उपाध्यक्ष रिंकू लीलाधर काटे, सदस्या ज्योती कैलास ठाकूर आणि शाळेचे ग्रँड मुख्याध्यापक श्री रविंद्र पाटील, व सर्व शिक्षक वृंद यांनी हे पारितोषिक स्विकारले....!!

        सन्मानचिन्ह, प्रमाणपत्र व दोन लाख रुपये असे या पारितोषिकाचे स्वरूप आहे.

     हा सन्मान शिरसाड शाळेच्या सर्व आजी-माजी विद्यार्थ्यांना व  ग्रामस्थ व  सर्व पदाधिकाऱ्यांना समर्पित...!!"

धन्यवाद....!!!

जि. प. प्राथ. शाळा, शिरसाड येथे भारतरत्न डॉ. बाबासाहेब आंबेडकर यांची  जयंती उत्साहात साजरी

       जिल्हा परिषद प्राथमिक शाळा शिरसाड ता- यावल जि- जळगाव  येथे विश्वरत्न, महामानव डॉ. बाबासाहेब आंबेडकर यांची जयंती उत्साहात साजरी करण्यात आली. याप्रसंगी कार्यक्रमच्या अध्यक्षस्थानी शाळा व्यवस्थापन समितीच्या उपाध्यक्षा रिंकू लीलाधर काटे या होत्या. सरपंच दिपक वामन इंगळे व उपस्थित मान्यवरांच्या हस्ते भारतरत्न डॉ. बाबासाहेब आंबेडकर यांच्या प्रतिमेचे पूजन व  पुष्पहार अर्पण करून विनम्र अभिवादन करण्यात आले. यावेळी शाळेतील उत्कर्षा प्रभाकर जाधव, वेदिका प्रवीण धनगर, ख़ुशी लीलाधर काटे, देवयानी हिरालाल धनगर, प्रगती हरिचंद्र पाटील, भारती गोपाल जुमडे, आकांक्षा कैलास ठाकूर, यशवंती गणेश बडगुजर, भरतर गणेश बडगुजर या विद्यार्थ्यांनी तर राजेंद्र प्रकाश अटवाल, शेख महेबूब, दीपक वसंतराव चव्हाण या शिक्षकांनी डॉ. बाबासाहेब आंबेडकर यांच्या जीवनकार्याविषयी माहिती सांगितली. 

              शिरसाड गावाचे सरपंच  दिपक वामन इंगळे यांनी बोलताना डॉ. बाबासाहेब आंबेडकर यांच्या जीवनसंघर्ष शब्दातून मांडत, भीमगीत गाऊन उपस्थितांना भावूक केले. शाळेचे ग्रेडेड मुख्याध्यापक रविंद्र शामराव पाटील यांनी आपले मनोगत व्यक्त केले. यानंतर शाळेमध्ये निबंधलेखन आणि  रंगभरण स्पर्धांचे आयोजन करून यशस्वी विद्यार्थ्यांचा सन्मान करण्यात आला.

            कार्यक्रमास  शाळा व्यवस्थापन समिती अध्यक्ष जावेद हमीद तडवी, सदस्य विश्वनाथ रघुनाथ धनगर, ज्योती कैलास ठाकूर, तसेच पालक प्रमोद इंगळे, शालेय विद्यार्थी इत्यादी उपस्थित होते.  शाळेचे  शिक्षक राजेंद्र जगन्नाथ महाजन  यांनी कार्यक्रमाचे सूत्रसंचालन केले.

छत्रपती शिवाजी महाराज जयंती

१९ फेब्रुवारी २०२४

    दिनांक १९ फेब्रुवारी २०२४ वार सोमवार रोजी शाळा व्यवस्थापन समितीचे अध्यक्ष श्री. जावेद हमीद तडवी यांच्या उपस्थितीत जिल्हा परिषद शाळा शिरसाड ता- यावल जि- जळगाव येथे छत्रपती शिवाजी महाराज यांची जयंती मोठ्या उत्साहाने साजरी करण्यात आली. यावेळी छत्रपती शिवाजी महाराज यांच्या प्रतिमेला पुष्पार्पण करून प्रतिमा पूजन करण्यात आले. 

    त्यानंतर झालेल्या सभेच्या कार्यक्रमात कु. यशवंती गणेश बडगुजर, कु. ख़ुशी लीलाधर काटे, अनिकेत प्रमोद इंगळे, भरतर गणेश बडगुजर इत्यादी शालेय विद्यार्थ्यांनी भाषणे केली. यावेळी सभेचे अध्यक्ष शाळा व्यवस्थापन समितीचे अध्यक्ष श्री. जावेद हमीद तडवी हे होते. शाळेतील उपशिक्षक श्री. शेख महेबूब शेख बशीर, श्री. शिवदास पंडित महाजन, श्री. राजेंद्र जगन्नाथ महाजन, श्री. अटवाल प्रकाश अटवाल यांच्या शाळेचे ग्रेडेड मुख्याध्यापक श्री. रविंद्र शामराव पाटील यांच्यासह ग्रामस्थ डॉ. दिलीप बडगुजर यांनी विद्यार्थ्यांना छत्रपती शिवाजी महाराज यांच्याविषयी माहिती सांगून मार्गदर्शन केले. कार्यक्रमाला शाळा व्यवस्थापन समितीच्या उपाध्यक्ष सौ. रिंकू लीलाधर काटे, सदस्य सौ. अमिना नथ्थू तडवी, लीडर माता भूराबाई तडवी, ग्रामस्थ डॉ. दिलीप बडगुजर यांच्यासह सर्व शिक्षक व विद्यार्थी उपस्थित होते. 

जिल्हा परिषद प्राथमिक शाळा शिरसाड येथे महाराष्ट्र दर्शन कार्यक्रम संपन्न

      दि 12 फेब्रुवारी 2024 रोजी जिल्हा परिषद प्राथमिक शाळा शिरसाड ता- यावल जि- जळगाव येथे मुख्यमंत्री माझी शाळा, सुंदर शाळा अभियान अंतर्गत महाराष्ट्र दर्शन कार्यक्रमाचे आयोजन करण्यात आले होते. मुख्यमंत्री माझी शाळा, सुंदर शाळा अंतर्गत विविध उपक्रमांचे आयोजन सध्या राज्यभरातील शाळांमध्ये चालू आहे. या अंतर्गत विविध तीस मुद्द्यांना भारांश  निश्चित करून गुण देण्यात आले आहेत. त्याअंतर्गत भारतातील एक राज्य निवडून त्या राज्याचा सांस्कृतिक वारसा, देशाच्या जडणघडणीतील योगदान, वेशभूषा, खानपान याविषयी सादरीकरणास पाच गुण ठेवण्यात आले आहेत. यामध्ये शिरसाड शाळेने महाराष्ट्र राज्याची निवड करून महाराष्ट्र राज्याचा सांस्कृतिक वारसा, देशाच्या जडणघडणीत महाराष्ट्र राज्याचे योगदान, महाराष्ट्रातील सण व उत्सव, पेहराव, खानपान यांसह देशासाठी योगदान देणारे महाराष्ट्रातील नेते, कलावंत, पत्रकार, क्रीडापटू इत्यादींचा छायाचित्राच्या मदतीने देखावा साकारण्याचा प्रयत्न केला. 

    सदर कार्यक्रमास यावल तालुक्याचे गटशिक्षणाधिकारी विश्वनाथ धनके यांनी विशेष उपस्थिती देऊन उद्घाटन केले. त्याचबरोबर शिरसाड चे उपसरपंच श्री राजू बन्सी सोनवणे, माजी सरपंच प्रविण सोनवणे, शाळा व्यवस्थापन समिती उपाध्यक्ष रिंकू लिलाधर काटे, सदस्य ज्योती कैलास ठाकूर यांच्यासह इतर माता पालक हजर होत्या. उपस्थित सर्वांनी महाराष्ट्र दर्शन अंतर्गत केलेले सादरीकरण पाहिले व या ठिकाणी मांडलेल्या महाराष्ट्रीय खाद्यपदार्थांचा  आनंद घेत मांडलेल्या इतर बाबींचे निरीक्षण केले. त्याचबरोबर विश्वनाथ धनके यांनी विद्यार्थ्यांना मांडलेल्या देखाव्यांबद्दल माहिती विचारली. यावेळी शाळेतील शिक्षक सागर चौखंडे व विद्यार्थ्यांनी तयार केलेली प्रतापगडाची प्रतिकृती सर्वांचे लक्ष वेधून घेत होती. खानपान मध्ये पुरणपोळी, भरीतपुरी, कळण्याची भाकर, बाजरीची भाकर, ज्वारीची भाकर, कांदा भजी, मूंग भजी, कढी, वरण-भात, कांदा पोहे, वडापाव, मिसळ पाव, शीरखुर्मा, शेंगदाण्याची चटणी, शेवभाजी, पाटोळ्यांची भाजी, पिठले भाकर, भेळ, उडदाची डाळ, विविध प्रकारचे पापड इत्यादी पदार्थांची मांडणी करण्यात आली होती. त्याचबरोबर सण-उत्सवांतर्गत शिवजयंती, दुर्गोत्सव, भीम जयंती, गणेश उत्सव, गोपाळकाला, रक्षाबंधन, नागपंचमी, बैलपोळा, आषाढी एकादशी इत्यादी बाबत देखावे सादर केले होते.

     या कार्यक्रमास गावातील अंगणवाडी सेविका तथा मदतनीस कोकिळा पाटील, वैशाली भालेराव, मदीना तडवी इत्यादींचे विशेष सहकार्य लाभले. याप्रसंगी विद्यार्थी तथा शिक्षक आणि अंगणवाडी सेविका-मदतनीस यांनी महाराष्ट्रीय पेहराव केला होता. शाळेचे ग्रेडेड मुख्याध्यापक यांनी आपली संस्कृती आणि सांस्कृतिक वारसा याबाबत विद्यार्थ्यांना ओळख होण्यासाठी अशा कार्यक्रमांचे महत्त्व अधोरेखित केले. गटशिक्षणाधिकारी विश्वनाथ धनके यांनी कार्यक्रमाच्या आयोजनाबद्दल समाधान व्यक्त केले. त्याचबरोबर त्यांनी शाळेतील परसबागेची पाहणी करून 'बाला प्रोजेक्ट' विषयी आढावा घेतला. कार्यक्रम यशस्वी व्हावा यासाठी शाळेतील शिक्षक राजाराम खजान मोरे, राजेंद्र प्रकाश अटवाल, संदीप पितांबर बारी, शिवदास पंडित महाजन, राजेंद्र जगन्नाथ महाजन, शेख मेहबूब शेख बशीर, सागर गणेशराव चौखंडे आणि दीपक वसंतराव चव्हाण यांनी विशेष प्रयत्न केले.

जिल्हा परिषद प्राथमिक शाळा शिरसाड येथे माजी विद्यार्थी मेळावा संपन्न

     सध्या संपूर्ण महाराष्ट्रभर मुख्यमंत्री माझी शाळा सुंदर शाळा अभियान चालू आहे. सदर अभियानात जिल्हा परिषद प्राथमिक शाळा शिरसाड ने उत्स्फूर्त सहभाग नोंदवला आहे. या अंतर्गत जिल्हा परिषद प्राथमिक शाळा, शिरसाड येथे माजी विद्यार्थी मेळावा आयोजित करण्यात आला होता. याप्रसंगी कार्यक्रमाचे अध्यक्षस्थानी शाळेच्या माजी मुख्याध्यापिका शिक्षिका संगीता धनंजय पाटील या होत्या. कार्यक्रमास प्रमुख अतिथी म्हणून शाळेचे अध्यक्ष जावेद हमीद तडवी तथा उपाध्यक्ष रिंकू लीलाधर काटे या होते. 

         सदर विद्यार्थी मेळाव्यास 250 पेक्षा जास्त सध्या इतर शाळेत शिक्षण घेत असलेल्या विद्यार्थी-विद्यार्थ्यांनी हजेरी लावली. यावेळी कार्यक्रमाचे सूत्रसंचालन सुद्धा एका शाळेच्या माजी विद्यार्थीनीने केले. यावेळी शाळेमध्ये कार्यरत असलेले  शाळेचे माजी विद्यार्थी  तथा शाळेचे उपशिक्षक राजेंद्र अटवाल यांनी सुद्धा विद्यार्थ्यांना स्वतः  शाळेचे माजी विद्यार्थी या भूमिकेतून मार्गदर्शन केले. तत्पूर्वी अकरा विद्यार्थिनींनी स्वतःचे मनोगत मांडले. शाळेची बदलती परिस्थिती यावर अनेक विद्यार्थ्यांनी भाष्य केले. शालेय जीवनातील अनेक सुखद आठवणी यावेळेस सांगितल्या. यावेळी शाळेतील शिक्षक संदीप बारी, शिवदास महाजन यांनी उपस्थित विद्यार्थ्यांना त्यांच्या अनुभवातून विद्यार्थ्यांच्या भावी भविष्यासाठी मार्गदर्शन केले तर उपशिक्षक सागर चौखंडे,  दीपक चव्हाण यांनी विद्यार्थ्यांच्या व्यावसायिक विकासासाठी मार्गदर्शन केले. जीवनामध्ये यशस्वी होण्यासाठी एका विशिष्ट ध्येयावर लक्ष केंद्रित करून त्यादिशेने प्रयत्न केले पाहिजे असे मत शाळेचे ग्रेडेड मुख्याध्यापक रविंद्र पाटील यांनी मार्गदर्शन करताना व्यक्त केले. कार्यक्रमाचे अध्यक्ष तथा प्रमुख वक्ता संगीता धनंजय पाटील मॅडम यांनी विद्यार्थिनींना मासिक पाळी व्यवस्थापन याविषयी सखोल असे मार्गदर्शन करत जीवनात यशस्वी होण्यासाठी अनेक गुरु मंत्र दिले व त्यांच्या भावी आयुष्यासाठी शुभेच्छा देऊन आपले अध्यक्ष भाषण संपवले.

    प्रथमच शिरसाड येथे माजी विद्यार्थी मेळावा आयोजित केला होता. या मेळाव्यास प्रचंड प्रतिसाद लाभला. यावेळी उपस्थित विद्यार्थी-विद्यार्थिनींनी या दिवशी आयोजित पुस्तक प्रदर्शनास भेट दिली व समाधन व्यक्त केले. सर्व विद्यार्थी-विद्यार्थिनींना यावेळी शाळेकडून खिचडीचा लाभ घेण्यात आला. अनेक विद्यार्थ्यांनी यावेळी त्यांच्या बालपणाचे दिवस आठवल्याचे मत व्यक्त केले. आपल्या जुन्या शाळेमध्ये शिक्षकांनी सन्मान देऊन सर्व विद्यार्थ्यांना बोलावले याबद्दल सर्व विद्यार्थी यांनी शाळेचे आभार व्यक्त केले.

      शाळेमध्ये आयोजित माजी विद्यार्थी मेळावा यशस्वी व्हावा यासाठी शाळेतील शिक्षक  राजाराम गजानन मोरे आणि राजेंद्र जगन्नाथ महाजन यांनी विशेष प्रयत्न केले.

महावाचन चळवळ अंतर्गत जिल्हा परिषद प्राथमिक शाळा शिरसाड येथे पुस्तक प्रदर्शनाचे आयोजन

       सध्या राज्यभर प्रत्येक शाळेमध्ये महावाचन चळवळ अभियान चालू आहे. या अंतर्गत जिल्हा परिषद प्राथमिक शाळा शिरसाड येथे पुस्तक प्रदर्शनाचे आयोजन करण्यात आले होते. यावेळी या प्रदर्शनाचे उद्घाटन सरपंच  दीपक वामन इंगळे यांनी केले. यावेळी गावचे उपसरपंच राजू बन्सी सोनवणे ग्रामपंचायत सदस्य तेजस धनंजय पाटील उल्हास रूपचंद ढाके, गायत्री विनोद सोनवणे, कविता प्रमोद सोनवणे यांच्यासह शाळा व्यवस्थापन समितीचे अध्यक्ष जावेद तडवी, उपाध्यक्ष रिंकू लीलाधर काटे, सदस्य ज्योती कैलास ठाकूर, विश्वनाथ रघुनाथ धनगर, हेमलता निंबाजी महाजन, गावच्या पोलीस पाटील दिपाली रवींद्र धनगर, गावातील अंगणवाडी सेविका मदतनीस, गावातील तरुण-तरुणी प्रतिष्ठित नागरिक, माजी-आजी विद्यार्थी, ग्रामपंचायत कर्मचारी यांनी प्रदर्शनास भेट देऊन शाळेमधील उपलब्ध पुस्तकांविषयी माहिती घेतली. विविध विषयांवर आधारित पुस्तक हाताळण्याचा मोह अनेकांना आवरता  आला नाही.

        आजच्या इंटरनेटच्या काळामध्ये खऱ्या अर्थाने पुस्तक संस्कृती ही रुजली पाहिजे अशी भावना यावेळी अनेकांनी व्यक्त केली. यावेळी सरपंच उपसरपंच सर्व सन्माननीय ग्रामपंचायत सदस्य यांनी सदर प्रदर्शनाबद्दल आनंद व्यक्त करत शाळेचे अभिनंदन केले. खऱ्या अर्थाने आपले ज्ञान वाढण्यासाठी पुस्तक वाचन महत्त्वाचे असल्याचे मत यावेळी शाळेचे मुख्याध्यापक रवींद्र पाटील यांनी व्यक्त केले.

     सदर पुस्तक प्रदर्शन यशस्वी व्हावे यासाठी शाळेतील उपशिक्षक सागर गणेशराव चौखंडे यांनी विशेष प्रयत्न केले. 

मकरसंक्रातीनिमित्य हळदी कुंकू कार्यक्रम

आमच्या जि प प्राथमिक शाळा,शिरसाड ता .यावल  येथील शाळा व्यवस्थापन समितीने मकर संक्रांतीच्या निमित्ताने शाळेमध्ये महिलांसाठी हळदीकुंकू कार्यक्रमाचे आयोजन केले होते याप्रसंगी अनेक महिलांनी उपस्थिती देऊन दिला.याप्रसंगी उपस्थित मित्रांना आमच्या शाळेतील विद्यार्थिनींनी कुंकू लावून वाण स्वरूपात पेन्सिल भेट दिली .      

 त्याचबरोबर उपस्थित महिलांना  निपुण भारत अंतर्गत आयडिया व्हिडिओज दाखवण्यात आले. त्याचबरोबर विद्यार्थ्यांच्या विकासासाठी करावयाच्या बाबींविषयी मार्गदर्शन करण्यात आले उपस्थित सर्व महिलांनी शाळेमध्ये हळदीकुंकवाला बोलवल्याबद्दल शाळेचे आभार मानले.

राष्ट्रमाता जिजाबाई आणि स्वामी विवेकानंद जयंती

           दिनांक 12 जानेवारी 2023 रोजी जिल्हा परिषद प्राथमिक शाळा,शिरसाड येथे राष्ट्रमाता जिजाबाई तसेच स्वामी विवेकानंद यांची जयंती साजरी करण्यात आली. प्रसंगी शाळेचे ग्रेडेड मुख्याध्यापक श्री रविंद्र पाटील तसेच शाळेतील सर्व शिक्षक तसेच शालेय व्यवस्थापन समिती अध्यक्ष जावेद तडवी आणि सदस्य सौ रिंकू लीलाधर काटे आणि सौ ज्योती कैलाश ठाकूर तसेच विद्यार्थी,पालक उपस्थित होते. प्रतिमेचे पूजन शालेय व्यवस्थापन समिती उपाध्यक्ष सौ रिंकू लीलाधर काटे आणि सौ ज्योती विलास ठाकूर यांच्या हस्ते प्रतिमेचे पूजन आणि पुष्पहार अर्पण करण्यात आले.विद्यार्थीनीनी जिजामातेचा वेश परिधान करून सर्वाचे लक्ष खेचले.कार्यक्रमाचे संचालन श्री दीपक चव्हाण सर यांनी केले.प्रसंगी जिजामाता आणि स्वामी विवेकानंद यांचे विचार विद्यार्थ्यांनी भाषणातून व्यक्त केले. ख़ुशी काटे, भारती जुमडे, उत्कर्षा  जाधव, नंदिनी धनगर, सुमित सपकाळे, पाकिजा तडवी, अंकिता सपकाळे, विद्या खंबायत, वेदिका धनगर, पूजा साळी, आकांक्षा ठाकूर, प्रगती पाटील या विद्यार्थ्यांनी भाषणे केली. यानंतर श्री राजेंद्र महाजन सर,श्री संदीप बारी, श्री सागर चौखंडे सर यांनी थोरपुरुषाबद्दल विचार व्यक्त केले. श्री राजाराम मोरे आणि सागर चौखंडे सर यांनी कार्यक्रमाच्या यशस्वीते साठी प्रयत्न केले.शेवटी मुख्याद्यापक रविंद्र पाटील यांनी विद्यार्थ्यांना मार्गदर्शन केले.

बालिका दिन

     आज दिनांक 3 जानेवारी 2023 रोजी जिल्हा परिषद प्राथमिक शाळा शिरसाड येथे क्रांतीज्योती सावित्रीबाई फुले यांची जयंती बालिका दिवस म्हणून साजरी करण्यात आली.प्रसंगी शाळेचे मुख्याध्यापक श्री रविंद्र शामराव पाटील यांच्या हस्ते सावित्रीबाई फुले यांच्या प्रतिमेचे पूजन आणि पुष्पहार अर्पण करण्यात आल. कार्यक्रमाचे संचालन श्री दीपक चव्हाण सर यांनी केले. अमन तडवी, यशवंती बडगुजर, पाकीजा तडवी जान्हवी इंगळे, आलिया तडवी, उत्कर्षा जाधव, हर्षदा अलकरी भरतर बडगुजर, अनिकेत इंगळे, देवयानी धनगर, विद्या खंबायत,आकांशा ठाकूर, किमया महाजन,खुशी काटे, दामिनी इंगळे या विद्यार्थ्यांनी भाषणे केली.

    प्रसंगी आपल्या राज्याचे मुख्यमंत्री श्री एकनाथ शिंदे  यांचे विद्यार्थ्यांसाठीचे  संबोधन पत्र विद्यार्थ्यांसमोर श्री एस. पी. महाजन सर यांनी वाचून दाखवले. त्यानंतर श्री आर जे महाजन यांनी सावित्रीबाई फुले यांच्या विचारांना उजाळा दिला. श्री सागर चौखंडे सर यांनी सावित्रीबाई फुले यांच्या कार्याचे महत्त्व विद्यार्थ्यांना सांगितले.श्री महेबूब  शेख सर यांनी विद्यार्थ्यांना मार्गदर्शन करून सावित्रीबाई फुले यांचे कार्य पटवून दिले. कार्यक्रमाच्या यशस्वीतेसाठी श्री राजाराम मोरे ,श्री राजेंद्र अटवाल यांनी परिश्रम घेतले.शेवटी आपल्या शाळेचे मुख्याध्यापक यांनी अध्यक्षीय भाषण करून कार्यक्रमाची सांगता केली.

सावित्रीबाई फुले दत्ताक पालक योजने अंतर्गत इयत्ता १ ली ची विद्यार्थिनी वेदिका प्रकाश भालेराव हिची निवड करण्यात आली.

बाल आनंद मेळावा

  दिनांक 24 जानेवारी 2024 रोजी जिल्हा परिषद प्राथमिक शाळा शिरसाड ता- यावल जि- जळगाव येथे बाल आनंद मेळावा उत्साहात संपन्न झाला. यावेळी शिरसाड गावचे सरपंच दीपक वामन इंगळे हे कार्यक्रमाच्या अध्यक्षस्थानी होते. शाळेतील उपशिक्षक संदीप पितांबर बारी यांनी कार्यक्रमाचे प्रास्ताविक करत असताना आनंद मेळाव्याच्या आयोजनाचा उद्देश स्पष्ट केला तर विद्यार्थी सर्वांगीण विकासासाठी आशा मेळाव्याचे महत्त्व शाळेचे ग्रेडेड मुख्याध्यापक रविंद्र पाटील यांनी नमूद केले. मेळाव्यासाठी आवर्जून उपस्थित असलेले साकळी  केंद्राचे केंद्रप्रमुख किशोर संतोष चौधरी यांनी विद्यार्थ्यांना वाचन-लेखन-गणन यासह व्यवहार ज्ञानाचे महत्त्व सांगितले.

      शाळा व्यवस्थापन समितीचे अध्यक्ष जावेद हमीद तडवी यांच्यासह मंचावर उपस्थित मान्यवरांच्या  हस्ते दीपप्रज्वलन करून बाल आनंद मेळाव्याचे उद्घाटन करण्यात आले. शाळेच्या 76 विद्यार्थ्यांनी यांत प्रत्यक्ष  सहभाग नोंदवला तर इतर विद्यार्थ्यांनी खरेदीचा आनंद घेतला. यामध्ये विद्यार्थ्यांनी खाद्यपदार्थ, फळे , भाजीपाला, लेखनसाहित्य इ. ची खरेदी विक्री केली. कचरा व्यवस्थापनासाठी स्वतंत्र व्यवस्था करण्यात आली होती. शालेय अभ्यासासोबत व्यवहार ज्ञानही विद्यार्थ्यांना समजावे त्यांना हिशेब करता यावा, व्यवहारज्ञान कौशल्य विकसित व्हावे यासाठी या मेळाव्याचे आयोजन करण्यात आले होते.

    शिरसाड ग्रामपंचायतीचे उपसरपंच राजू बन्सी सोनवणे, सदस्य ज्योती प्रविण सोनवणे, ग्रामसेवक  एस एन चौधरी, गावच्या पोलीस पाटील दीपाली रविंद्र धनगर, शाळा व्यवस्थापन समितीच्या सदस्य ज्योती कैलास ठाकूर, मंदाताई दिनेश अलकरी, अमिना नत्थु तडवी, विश्वनाथ रघुनाथ धनगर, हेमलता निंबाजी महाजन, दीपक प्रकाश सोनवणे, गावातील सोसायटीचे अध्यक्ष प्रमोद सोनवणे यांच्यासह  गावातील प्रतिष्ठीत नागरिक, युवक-युवतीसह शाळेचे माजी विद्यार्थी आणि पालक यांनी आनंद मेळाव्याला उपस्थिती देऊन खरेदी चा आनंद आणि लाभ घेतला. यावेळी सर्व उपस्थितांच्या आणि विद्यार्थ्यांच्या  चेहर्‍यावर आनंद, उत्साह आणि समाधान दिसत होते.

       कार्यक्रमाचे सूत्रसंचालन उपशिक्षक दीपक वसंतराव चव्हाण यांनी केले. मेळाव्याच्या यशस्वितेसाठी सागर गणेशराव चौखंडे, राजाराम खजान मोरे, शिवदास पंडित महाजन, राजेंद्र जगन्नाथ महाजन, शेख महेबुब शेख बशीर, राजेंद्र प्रकाश अटवाल या शिक्षकांनी परिश्रम केले.

  श्री संत जगनाडे महाराज यांची जयंती

    आज दिनांक 8 डिसेंबर 2023 रोजी जिल्हा परिषद प्राथमिक शाळा शिरसाड, येथे श्री संत जगनाडे महाराज यांची जयंती साजरी करण्यात आली. प्रसंगी शाळेचे ग्रेडेड मुख्याध्यापक श्री रवींद्र पाटील तसेच सर्व शिक्षक स्टाफ उपस्थित होता. प्रथम प्रतिमा पूजन आणि पुष्पहार अर्पण शाळेचे मुख्याद्यापक यांच्या हस्ते करण्यात आले. त्यानंतर श्री दीपक चव्हाण सर यांनी जगनाडे महाराज यांच्या विषयी विद्यार्थ्यांना माहिती सांगितली. तसेच शाळेतील शिक्षक श्री शेख सर यांनी सुद्धा विद्यार्थ्यांना जगनाडे महाराज यांचे विचार सविस्तरपणे वर्णन करून सांगितले.श्री अटवाल सर यांनी अभंगाच्या माध्यमातून विद्यार्थ्यांना जगनाडे महाराज यांच्या कार्य विषयी माहिती सांगितली.

शेवटी मुख्याद्यापक यांच्या मार्गदर्शनपर भाषणाने कार्यक्रमाचा शेवट करण्यात आला.

डॉ.बाबसाहेब आंबेडकर यांचा महापरिनिर्वाण दिनानिमित्त अभिवादन

आज दि.६ डिसेंबर २०२३ रोजी जि.प. प्राथमिक शाळा,शिरसाड येथे डॉ.बाबसाहेब आंबेडकर यांचा महापरिनिर्वाण दिनानिमित्त अभिवादन करण्यात आला.  प्रसंगी प्रसंगी शाळेचे मुख्याध्यापक सर्व शिक्षकवृंद तसेच शाळा व्यवास्थापन समिती अध्यक्ष जावेद तडवी उपस्थित होते.प्रथम कार्यक्रमाचे अध्यक्ष म्हणून जावेद तडवी यांची नियुक्ती करण्यात आली. त्यास श्री सागर चौखंडे सर यांनी अनुमोदन दिले.प्रथम अध्यक्ष्याच्या  हस्ते प्रतिमा पूजन तसेच हारर्पण करण्यात आले. त्यानंतर शाळेतील विद्यार्थ्यांनी भाषने दिली. श्री दीपक चव्हान सर यांनी बाबासाहेबांच्या आयुष्यावर मोलाचे मार्गदर्शन केले. तसेच श्री शिवदास महाजन यांनी बाबासाहेबाच्या अभ्यासु वृत्ती वर मुलांना सांगितले.श्री अटवाल सर यांनी चवदार तळ्याचे पाणी हि कविता सदर करून बाबासाहेबांना श्रद्धांजली वाहिली. श्री. बारी सर यानी बाबासाहेबांबद्दल आपले विचार मांडले. शेवटी शाळेचे मुख्याध्यापक यांनी बाबासाहेबांच्या विचारांना वंदन करून मुलांना मार्गदर्शन केले . 

डॉ.अब्दुल कलाम जयंती अर्थात वाचण प्रेरणा दिन साजरा  तसेच जागतिक हात धुवा दिनानिमित्ताने हात धुण्याचे प्रात्यक्षिक

     आज दिनांक १५ ऑक्टोबर २०२३ रोजी जि प प्राथमिक शाळा,शिरसाड येथे डॉ.अब्दुल कलाम यांच्या जयंती निमित्य वाचन प्रेरणा दिवस तसेच जागतिक हात दुवा दिन साजरा करण्यात आला.प्रसंगी शाळेचे ग्रेडेड मुख्याद्यापक श्री रवींद्र पाटील,सहकारी शिक्षक ,शाळा व्यवस्थापन समिती सदस्य श्री विश्वनाथ धनगर,सौ ज्योती कैलाश ठाकूर तसेच पालक,विद्यार्थी उपस्थित होते.

     प्रथम शाळेचे मुख्याध्यापक यांच्या हस्ते डॉ अब्दुल कलाम यांच्या फोटोचे पूजन व हारार्पण करण्यात आले.श्री दीपक चव्हाण सर यांनी प्रास्ताविक करून आजच्या दिवसाचे औचित्य साधून हात धुण्याविषयी विद्यार्थ्यांना मार्गदर्शन केले.श्री संदीप बारी सर यांनी हात धुण्याचे प्रात्यक्षिक करून दाखविले.हात धुण्याचे महत्व पटवून सांगितले.

या कार्याक्रमानिमित्य स्वच्छतेचे संदेश विद्यार्थ्याकडून वदवून घेण्यात आले.श्री सागर चौखंडे सरांनी डॉ अब्दुल कलाम यांच्या कार्याविषयी विद्यार्थ्यांना मार्गदर्शन केले. श्री महेबूब शेख सरांनी विद्यार्थ्यांना  पुस्तक वाचनाचे महत्व समजावून सांगितले.कार्यक्रमाच्या यशस्वितेसाठी श्री अटवाल सर,श्री शिवदास महाजन सर यांनी प्रयत्न केले. 

जिल्हा परिषद प्राथमिक शाळेत महात्मा गांधी तथा लालबहादुर शास्त्री यांची जयंती साजरी

            दिनांक 2 ऑक्टोबर 2023 रोजी जि. प. प्राथमिक शाळा, शिरसाड शाळेत राष्ट्रपिता महात्मा गांधी व स्वतंत्र भारताचे दुसरे पंतप्रधान स्व. लाल बहाद्दूर शास्त्री  यांची जयंती उत्साहात साजरी करण्यात आली. यावेळी  कार्यक्रमाचे अध्यक्षस्थान शाळेतील उपक्रमशील शिक्षक श्री. सागर चौखंडे यांना सर्वानुमते देण्यात आले. कार्यक्रमाला शाळेचे ग्रेडेड मुख्याध्यापक श्री. रविंद्र शामराव पाटील,  शाळा व्यवस्थापन समिती चे अध्यक्ष श्री. जावेद हमीद तडवी तसेच शिक्षक तथा विद्यार्थी उपस्थित होते. कार्यक्रमाला प्रमुख अतिथी म्हणून गावाच्या पोलीस पाटील सौ. दीपाली रविंद्र धनगर उपस्थित होत्या. यावेळी प्रथम प्रतिमेचे पूजन तसेच हारार्पण करण्यात आले. कार्यक्रमाचे प्रास्ताविक उपशिक्षक श्री. संदीप बारी  यांनी केले. नंतर अमन तडवी, वेदिका धनगर, खुशी काटे, देवयानी धनगर, किमया महाजन, विद्या खंबायत या विद्यार्थ्यांनी आपली भाषणे सादर केली. शाळेतील शिक्षक दीपक चव्हाण सर यांनी महात्मा गांधी आणि लाल बहाद्दूर शास्त्री यांच्या जीवनकार्याविषयी माहिती सांगितली. कार्यक्रमाचे अध्यक्ष श्री. सागर चौखंडे सर यांनी या दोन्ही महापुरुषांचा जीवनप्रवास आपल्या शब्दांत मांडला. कार्यक्रमाचे उपशिक्षक श्री. शिवदास पंडित महाजन यांनी तर आभार प्रदर्शन श्री. दीपक वसंतराव चव्हाण केले. चॉकलेट्स वाटपानंतर कार्यक्रमाची सांगता करण्यात आली.

शिक्षक दिन

सर्वपल्ली राधाकृष्णन जयंती

     आज दिनांक 5 सप्टेंबर 2023 रोजी जि प प्राथमिक शाळा शिरसाड येथे श्री सर्वपल्ली राधाकृष्णन यांची  जयंती शिक्षक दिन म्हणून साजरा करण्यात आला. कार्यक्रमाचे सूत्रसंचालन श्री दीपक चव्हाण यांनी केले. प्रसंगी शाळेचे मुख्याध्यापक श्री रवींद्र शामराव पाटील यांच्या हस्ते सर्वपल्ली राधाकृष्णन यांच्या फोटोचे पूजन आणि हारार्पण करण्यात आले. त्यानंतर उपस्थित शाळेतील शिक्षकांनी आपले मनोगत व्यक्त केले.काही विद्यार्थ्यांनी शिक्षकांची वेशभूषा धारण करून शाळेत उपस्थिती लावली. त्यानंतर विद्यार्थ्यांची भाषणे घेण्यात आली. अमन तडवी, पाकिजा तडवी,भारती जुमडे, देवयानी धनगर या विद्यार्थ्यांनी भासाने केली.

     शाळेतील शिक्षक श्री शेख सर ,श्री सागर चौखंडे सर, श्री राजेंद्र महाजन सर,श्री शिवदास महाजन सर, श्री संदीप बारी सर,श्री राजेंद्र अटवाल सर श्री राजाराम अटवाल सर,श्री दीपक चव्हाण सर यांनी शिक्षक दिनाचे महत्व विद्यार्थ्यांना सांगितले. मुख्याद्यापकांच्या संमतीने कार्यक्रमाचा समारोप करण्यात आला.त्यानंतर शाळेच्या नियमित अध्यापनाला सुरुवात करण्यात आली.

जि. प. प्राथ. शाळा, शिरसाड शाळेची यशोगाथा  राष्ट्रीय शैक्षणिक नियोजन व प्रशासन संस्था (NIEPA) मार्फत राष्ट्रीय पोर्टलवर प्रसिद्ध

      जिल्हा परिषद प्राथमिक शाळा शिरसाड ता यावल जि जळगाव  शाळेची यशोगाथा  राष्ट्रीय शैक्षणिक नियोजन व प्रशासन संस्था (NIEPA) मार्फत राष्ट्रीय पोर्टलवर प्रसिद्ध करण्यात आली आहे. सदर 'शिक्षणातील प्रकाशवाटा'  ही राज्यभरातील शाळांच्या यशोगाथा संकलित केलेली पुस्तिका http://ncsl.niepa.ac.in/sla/casestudy/2022-23/maharashtra/yashogatha_mh_2022-23.pdf या लिंक वर उपलब्ध आहे. यानिमित्ताने शाळेची दखल राष्ट्रीय पातळीवर घेण्यात आल्याने अधिकारी तथा ग्रामस्थांनी शाळेचे कौतुक केले आहे. 26 सप्टेंबर रोजी  शाळा व्यवस्थापन समितीच्या पुनर्गठनकामी आयोजित केलेल्या पालक सभेमध्ये आणि केंद्रस्तरीय शिक्षण परिषदेमध्ये  तत्कालीन मुख्याध्यापिका संगिता धनंजय पाटील आणि शिक्षक वृंद यांचा जाहीर सत्कार करून अभिनंदन करण्यात आले. यापूर्वी कोविड काळामध्ये जिल्हा शिक्षण व प्रशिक्षण संस्था जळगाव यांच्या मार्फत प्रसिध्द झालेल्या जिल्ह्यातील 'उपक्रमशील शाळा' या पुस्तिकेमध्ये शाळेची यशोगाथा प्रसिध्द झाली होती. मागील मार्च महिन्यामध्ये महाराष्ट्र शैक्षणिक नियोजन व प्रशासन  संस्था, औरंगाबाद अर्थात MIEPA मार्फत राज्यातील शाळांच्या यशोगाथा मागविण्यात आल्या होत्या. राज्यभरातील मुख्याध्यापक ते राज्यस्तर अधिकाऱ्यांचे सक्षमीकरण करणे, राष्ट्रीय शैक्षणिक नियोजन व प्रशासन संस्था, नवी दिल्ली (निपा) यांनी निर्देशित केल्याप्रमाणे शालेय नेतृत्व विकास संदर्भातील कार्यक्रम कार्यान्वित करणे, ही  शैक्षणिक नियोजन व्यवस्थापन व प्रशासन संस्था औरंगाबाद या संस्थेची उद्दिष्टे आहेत. वरिष्ठ कार्यालयाच्या सूचनेनुसार शिरसाड शाळेची यशोगाथा महाराष्ट्र शैक्षणिक नियोजन व प्रशासन  संस्था, औरंगाबाद यांच्याकडे पाठविण्यात आली होती. संपूर्ण यशोगाथा शब्दांत मांडून संकलित करण्याचे काम शाळेतील तंत्रस्नेही शिक्षक दीपक वसंतराव चव्हाण यांनी केले होते. MIEPA कडे प्राप्त सर्व यशोगाथा या NIEPA कडे पाठविण्यात आल्या. आणि  सर्व राज्यातील आलेल्या यशोगाथा राष्ट्रीय शैक्षणिक नियोजन व प्रशासन संस्था (NIEPA) मार्फत राष्ट्रीय पातळीवर त्यांच्या पोर्टलवर प्रसिद्ध करण्यात आल्या आहेत. शिरसाड शाळेसाठी नक्कीच ही कौतुकास्पद बाब ठरली आहे. मागील वर्षीही शाळेस जिल्हास्तरीय स्वच्छ विद्यालय पुरस्कार देऊन सन्मानित करण्यात आले असून तालुकास्तरीय परसबाग स्पर्धेतही प्रथम क्रमांक मिळाला होता. शाळेने मागील पाच वर्षांमध्ये आठ लाखापर्यंत लोकसहभाग मिळवून केलेल्या भौतिक सुविधांमध्ये सुधारणा तथा राबवलेले विविध उपक्रम, तंत्रज्ञानाचा शालेय प्रशासनामध्ये तथा अध्ययन-अध्यापनामध्ये केलेला प्रभावी वापर, शाळेची नाविन्यपूर्ण उपक्रम याविषयी सविस्तर माहिती सदर यशोगाथेमध्ये देण्यात आली आहे. याचे श्रेय शाळेचे ग्रेडेड मुख्याध्यापक रविंद्र शामराव पाटील यांनी शाळेच्या तत्कालीन मुख्याध्यापिका संगिता धनंजय पाटील, शाळेतील शिक्षक वृंद  तथा शाळा व्यवस्थापन समिती यांना देऊन सर्वांचे अभिनंदन केले. यापुढेही सर्वांच्या सहकार्याने शाळेमध्ये  सकारात्मक बदल व्हावेत यासाठी प्रयत्नशील असल्याचे मत व्यक्त केले. त्याचबरोबर साकळी केंद्राचे केंद्रप्रमुख किशोर चौधरी,  यावलचे गटशिक्षणाधिकारी विश्वनाथ धनके साहेब यांनी शाळेचे अभिनंदन केले आहे. संगिता धनंजय पाटील यांनी शाळेचे कर्तुत्ववान माजी विद्यार्थी,  केंद्रप्रमुख, गटशिक्षणाधिकारी, डाएट चे सन्माननीय अधिकारी तथा MEIPA आणि NIEPA यांचे आभार मानले.

जिल्हा परिषद प्राथमिक शाळा शिरसाड ता- यावल जि- जळगाव येथे "आजी आजोबा दिवस" साजरा

          दिनांक ११ सप्टेंबर 2023 रोजी जिल्हा परिषद प्राथमिक शाळा शिरसाड ता- यावल जि- जळगाव येथे "आजी आजोबा दिवस" साजरा करण्यात आला.  यावेळी कार्यक्रमाच्या अध्यक्षस्थानी शाळा व्यवस्थापन समितीच्या अध्यक्षा सौ. दिपालीताई सुभाष इंगळे या होत्या. कार्यक्रमास चाळीस पेक्षा जास्त आजी-आजोबा उपस्थित होते. सरस्वतीचे पूजन करून कार्यक्रमाची सुरुवात झाली. त्यानंतर उपस्थित आजी आजोबा व लीडरमाता यांचे पुष्पगुच्छ देऊन स्वागत करण्यात आले. कार्यक्रमाचे प्रास्ताविक शाळेतील उपशिक्षक श्री संदीप पितांबर बारी यांनी केले.

            सध्याची कौटुंबिक परिस्थिती पाहता आई-वडील नोकरी अथवा व्यवसायानिमित्त घराबाहेर जास्त वेळ असल्याने पाल्यांची संपूर्ण जबाबदारी आजी आजोबांवर असते. शाळा सोडून घरातला जास्त वेळ ते आजी आजोबांसोबत घालवतात. खरे पाहता आजी आजोबा आणि नात किंवा नातू हे नाते विलक्षण वेगळे असते. आजी आजोबा पहिले मित्रच असतात. नात्याची तेव्हा तिथूनंच खरी जडण-घडण होत असते. म्हणून आजी आजोबांचे नातवांशी असलेल्या घट्ट नात्याची ओळख होणे आजच्या काळात महत्वपूर्ण असून हे नात पाल्याच्या सर्वांगीण विकासासाठी गरजेचे व प्रेरणादायी असते. शाळेतील अनुभवासह आजी आजोबांचे अनुभव त्यांच्या हितगुजातून मिळणारी माहिती या गोष्टी पाल्यांच्या जडण घडणीसाठी पोषक ठरतात. त्यामुळे शाळांमध्ये विविध उपक्रमांच्या माध्यमातून आजी आजोबांना शाळेत आमंत्रित करून मुलांशी संवाद, खेळ व गप्पा गोष्टी तसेच सांस्कृतिक कार्यक्रमांच्या माध्यमातून ओळख करणे यासाठी "आजी आजोबा" दिवस शाळेत साजरा करणे संस्कारपूर्णतेच्या दृष्टीने गरजेचे आहे. मुलांना शाळेबरोबरच आजी आजोबांच्या महत्त्वपूर्ण नात्याची नव्याने ओळख होऊन त्याची दृढता होण्यासाठी "आजी आजोबा' दिवस साजरा होणे आवश्यक आहे. प्रत्येक वर्षी सप्टेंबर महिन्याच्या पहिल्या सोमवार नंतर येणाऱ्या रविवारी "आजी आजोबा" दिवस साजरा केला जातो. त्या अनुषंगाने या वर्षी १० सप्टेंबर, २०२३ रोजी "आजी आजोबा" दिवस होता.  त्याअनुषंगाने त्यानंतरच्या कार्यालयीन दिवशी अर्थात ११ सप्टेंबर रोजी हा दिवस विविध उपक्रम राबवून शाळेमध्ये साजरा करण्यात आला. 

          सर्वप्रथम सर्व विद्याथ्यांनी आपल्या आजी आजोबांचा परिचय करून दिला. त्यानंतर आजी आजोबांचे नातवांच्या जडणघडणीतील महत्त्व याबाबत शाळेचे उपशिक्षक श्री. दीपक वसंतराव चव्हाण यांनी माहिती दिली. यावेळी काही आजींनी पारंपारिक गीतांचे  उत्फूर्त  गायन करून सर्वांचे लक्ष वेधले.  तद्नंतर आजी आजोबांच्या मनोरंजनासाठी संगीत खुर्ची हा खेळ सुद्धा घेण्यात आला. यावेळी उपस्थित सर्वांनी यामध्ये उत्स्फूर्त सहभाग नोंदवीत बालपणीच्या आठवणी ताज्या केल्या. यावेळी संगीत खुर्ची मध्ये रुखमाबई रामदास पाटील या आजी विजेत्या ठरल्या. त्यांचे अभिनंदन करण्यात आले. कार्यक्रमाचे सूत्रसंचालन शाळेतील उपशिक्षक दीपक वसंतराव  चव्हाण यांनी केले. तर कार्यक्रम आनंदी वातावरणात पार पाडून कार्यक्रमाचा उद्देश सफल व्हावं यासाठी शाळेचे प्रभारी मुख्याध्यापक राजाराम मोरे सर, शिवदास महाजन सर, राजेंद्र महाजन सर, महेबुब शेख सर, सागर चौखंडे सर यांनी प्रयत्न केले.

धन्यवाद.....!!

जिल्हा परिषद प्राथमिक शाळा, शिरसाड शाळेत जलशुद्धीकरण सयंत्र कार्यान्वित

                        जिल्हा परिषद प्राथमिक शाळा, शिरसाड ता- यावल जि- जळगाव येथे कै. जनार्दन झिपरूशेठ सोनार (साकळी) यांचे स्मरणार्थ त्यांच्या धर्मपत्नी श्रीमती इंदूबाई जनार्दन सोनार (नाशिक) यांनी विद्यार्थ्यांना शुद्ध पिण्याचे पाणी मिळावे या हेतूने जलशुध्दीकरण साठी R.O. Plant कार्यान्वीत करून दिले. ग्रामीण भागातील विद्यार्थ्यांचे आरोग्य चांगले राहावे यासाठी कंपनीचे मालक श्री. सचिन जनार्दन सोनी हे याकामी आपले योगदान देत आहेत. यापुर्वीही साकळी येथील जिल्हा परिषदेच्या दोन्ही मराठी माध्यमाच्या शाळांना त्यांनी जलशुद्धीकरण सयंत्र कार्यान्वीत करून दिले आहे. कंपनी कडून श्री. धनराज चौधरी यांनी R.O. सयंत्र बसवून दिल्याबद्दल त्यांचे शाळेकडून आभार मानण्यात आले. साकळी परिसरातील शाळांना R.O. जलशुध्दीकरण सयंत्र मिळावे यासाठी साकळी येथील शिक्षणप्रेमी श्री. वाय. जी. नेवे हे प्रयत्नशील होते. त्यांच्या प्रयत्नाने R.O. सयंत्र 15 ऑगस्ट रोजी शाळेत कार्यान्वीत झाले. याबद्दल श्री. वाय. जी. नेवे यांचेही शाळेकडून विशेष आभार मानण्यात आले. साकळी आणि शिरसाड या गावांतील शाळेतील विद्यार्थी तथा शिक्षक यांना या R.O. सयंत्राचा नक्कीच फायदा होणार आहे.

जिल्हा परिषद शाळा, शिरसाड येथे ७७वा स्वातंत्र्य दिनी भारतीय सैन्य दलात भरती झालेल्या जवानाचा सत्कार

                दिनांक 15 ऑगस्ट 2023 रोजी जिल्हा परिषद प्राथमिक, शाळा, शिरसाड ता- यावल जि- जळगाव या शाळेमध्ये ७७वा स्वातंत्र्य दिन उत्साहात साजरा करण्यात आला. स्वातंत्र्य दिनाच्या पूर्वसंध्येला शालेय आवर स्वच्छता तथा सुशोभन करून परिसर सुशोभित करण्यात आला होता. स्वातंत्र्य दिनी प्रातःकाळी गावातून शालेय बँड पथकासोबत उत्साहवर्धक घोषणा देत प्रभात फेरी काढण्यात आली. ग्रामपंचायत कार्यालय येथील ध्वजाचे ध्वजारोहण करण्याचा मान गावातील मागील वर्षी सैन्य दलात भरती झालेले जवान श्री. नयन गणेश बाऱ्हे यांना देण्यात आला. तत्पूर्वी श्री. सागर चौखंडे सरांनी उपस्थितांकडून संविधानाचे वाचन करून घेतले. त्यानंतर जिल्हा परिषद प्राथमिक शाळा, शिरसाड येथील लेझीम पथकाने तेथे सादर केलेल्या लेझीम नृत्याने उपस्थित सर्वांचे लक्ष वेधले. उपस्थितांना पंचप्राण शपथ देऊन प्रभातफेरी शाळेकडे रवाना झाली.

              त्यानंतर शालेय परिसरामध्ये ध्वजारोहणासाठी उपस्थित मौजे शिरसाड गावाचे सरपंच श्री. दीपक वामन इंगळे, उपसरंच श्री. राजू बन्सी सोनवणे, शाळा व्यवस्थापन समितीच्या अध्यक्षा सौ. दीपाली सुभाष इंगळे, आणि ग्रामपंचायत तथा शाळा व्यवस्थापन समितीचे इतर सदस्य, इतर सर्व पदाधकारी, ग्रामपंचायत कर्मचारी, अंगणवाडी सेविका तथा मदतनीस, निपुण भारत अंतर्गत लीडर माता, ज्येष्ठ नागरिक, युवक माजी विद्यार्थी, आणि मोठ्या संख्येने उपस्थित विद्यार्थ्यांचे पालक यांचे शब्द सुमनांनी स्वागत करण्यात आले. याप्रसंगी संविधानाचे वाचन करून शालेय ध्वजारोहण शाळा व्यवस्थापन समिती अध्यक्षा सौ. दीपाली सुभाष इंगळे यांच्या हस्ते करण्यात आले. त्यानंतर गावाचे सरपंच श्री. दीपक वामन इंगळे यांच्या अध्यक्षतेखाली झालेल्या शालेय कार्यक्रमाचे प्रास्ताविक श्री. संदीप बारी सर यांनी केले. याप्रसंगी भारतीय सैन्य दलात भरती झालेले गावातील प्रथम जवान आणि शाळेचे माजी विद्यार्थी श्री. नयन गणेश बाऱ्हे यांचा आणि अंगणवाडी मध्ये मदतनीसपदी नव्याने नियुक्त झालेल्या सौ. शुभांगी गणेश तायडे यांचा शाळेच्या वतीने सत्कार करण्यात आला. यावेळी शाळेतील वेदिका प्रवीण धनगर, देवयानी धनगर, अमन रशीद तडवी, यशवंती गणेश बडगुजर, भरतर गणेश बडगुजर या विद्यार्थ्यांनी उत्स्फूर्त भाषणे केली. ग्रामपंचायत चे सन्माननीय सरपंच श्री. दीपक इंगळे यांनी देशभक्तीपर गीत सादर करून सर्वांचे लक्ष वेधले. नवनियुक्त अंगणवाडी मदतनीस सौ. शुभांगी गणेश तायडे यांनी उत्फुर्त भाषण करून आपली चुणूक दाखवली.

         त्यानंतर निपुण भारत कार्यक्रम अंतर्गत उपस्थितांना निपुण शपथ देऊन उपस्थित लीडर मातांचा याप्रसंगी सन्मान करण्यात आला. शैक्षणिक वर्ष 2023-24 पासून शाळेमध्ये नव्याने रुजू झालेल्या शिक्षकांनी स्वतःचा परिचय उपस्थित ग्रामस्थांना करून देत विद्यार्थी गुणवत्ता विकासाप्रती आपली कटिबद्धता अभिव्यक्त केली. स्वातंत्र्याचा अमृत महोत्सव अंतर्गत कोणशिलेचे याप्रसंगी पूजन करण्यात आले. उपस्थित ग्रामस्थ व पदाधिकारी यांनी शालेय कार्यक्रमाबद्दल व विद्यार्थी सहभागाबद्धल समाधान व्यक्त करत शाळेला शुभेच्छा दिल्या. यावेळी या शैक्षणिक वर्षातील लोकसहभागाबाबत आणि शालेय उपक्रमाबाबत उपस्थितांना माहिती देण्यात आली. कार्यक्रमाचे सूत्रसंचालन श्री. दीपक वसंतराव चव्हाण सर तर आभार प्रदर्शन श्री. संदीप पितांबर बारी सर यांनी केले. यानंतर खाऊ वाटपाने कार्यक्रमाची सांगता करण्यात आली.

प्रधानमंत्री पोषण शक्ती निर्माण योजनेअंतर्गत तृणधान्य जागरूकता मोहीम

                         जिल्हा परिषद प्राथमिक शाळा येथे आज दिनांक 14 ऑगस्ट 2023 रोजी प्रधानमंत्री पोषणशक्ती योजना अंतर्गत तृणधान्य जागरूकता महोत्सव 2023 साजरा करण्यात आला. कार्यक्रमाला शाळा व्यवस्थापन समिती उपाध्यक्ष गणेश बडगुजर व शाळा व्यवस्थापन समिती सदस्य तसेच विशेष अतिथी म्हणून साकळी केंद्राचे केंद्रप्रमुख श्री किशोर चौधरी सर उपस्थित होते. गावातील कृषी मित्र यांनी तृणधान्याची माहिती दिली. कार्यक्रमाचे सूत्रसंचालन श्री संदीप बारी सरांनी केले. कार्यक्रमाला चव्हाण सरांनी मार्गदर्शन करून तृणधान्याचे महत्त्व पटवून दिले. आभार प्रदर्शन एस पी महाजन सर यांनी केले. कार्यक्रमाला अंगणवाडी सेविका तसेच मदतनीस कार्यक्रमास उपस्थित होत्या.त्यानंतरविद्यार्थ्यांनी तृणधण्यापासून बनलेल्या विविध पदार्थाच्या स्टॉल चे उदघाटन शालेय व्यवस्थापन समिती उपाध्यक्ष गणेश बडगुजर यांनी केले.त्यानंतर उपस्थितांनी  विविध स्टॉल ला भेटी देऊन विविध पदार्थाचा आस्वाद घेतला.

जि. प. प्राथमिक शाळा, शिरसाड येथे जागतिक आदिवासी दिन साजरा

         दिनांक 9 ऑगस्ट 2023 रोजी जिल्हा परिषद प्राथमिक शाळा, शिरसाड ता- यावल येथे जागतिक आदिवासी दिन साजरा करण्यात आला. यावेळी जननायक बिरसा मुंडा यांच्या प्रतिमेचे पूजन शाळेचे प्रभारी मुख्याध्यापक श्री राजाराम मोरे सर यांच्या हस्ते करून पुष्पहार  अर्पण करण्यात आला. तदनंतर शाळेतील शिक्षक श्री. शेख सर यांनी विद्यार्थ्यांना आदिवासी दिनाचे महत्त्व पटवून दिले. श्री. दीपक चव्हाण सरांनी आदिवासी जनसमुदाय व त्यांचे जंगल संवर्धन यातील महत्व सांगितले. श्री. सागर चौखंडे सरांनी जागतिक आदिवासी दिनानिमित्त महाराष्ट्रातील विविध जनजामाती यांची माहिती विद्यार्थ्यांना सांगितली. त्यानंतर स्वातंत्र्याचा अमृत महोत्सव सांगता निमित्त "मेरी माटी मेरा देश" या केंद्रशासन पुरस्कृत कार्यक्रमांतर्गत सर्व विद्यार्थी तथा शिक्षक यांनी  'पंचप्रण शपथ' घेतली. कार्यक्रमाचे सूत्रसंचालन तथा आभार प्रदर्शन श्री. संदीप बारी सरांनी केले.

जि प मराठी शाळा शिरसाड येथे दिनांक 24 जुलै 2023 रोजी समग्र शिक्षा अंतर्गत लाभार्थी विद्यार्थ्यांना मोफत शालेय गणवेश वितरण कार्यक्रम संपन्न आला. कार्यक्रमास उपस्थित शाळा व्यवस्थापन समिती उपाध्यक्ष श्री गणेश नामदेव बडगुजर तसेच समितीचे इतर सदस्य सौ कविता प्रमोद सोनवणे, श्री रवींद्र रमेश खंबायत, श्री उल्हास रूपचंद ढाके व विद्यार्थ्यांचे पालक आणि उपस्थित ग्रामस्थ यांच्या हस्ते शालेय गणवेश संच वाटप करण्यात आले. 

जिल्हा परिषद प्राथमिक शाळा शिरसाड येथे शिवजयंती उत्साहात साजरी

     दिनांक 19 फेब्रुवारी 2023 रोजी जिल्हा परिषद प्राथमिक शाळा शिरसाड येथे शिवजयंती उत्साहात साजरी करण्यात आली. यावेळी मुख्याध्यापिका सौ संगिता धनंजय पाटील यांच्या हस्ते प्रतिमेचे पूजन करून पुष्पहार अर्पण करण्यात आले. यानंतर "जय जय महाराष्ट्र माझा" या  राज्यगीताचे   सामूहिक गायन करण्यात आले . शालेय विद्यार्थी अमन रशिद तडवी, यशवंती , उत्कर्ष प्रभाकर , भरतर गणेश , अनिकेत प्रमोद इंगळे ऋतुजा समाधान मिस्तरी , वेदिका प्रवीण धनगर , रुचिता समाधान मिस्तरी , वैष्णवी कांतीलाल कोळी , शितल विठ्ठल सोनवणे यांनी शिवरायांच्या कार्याविषयी आपले मनोगत व्यक्त केले. रिजवान अजित तडवी इ ४थी याने शिवरायांच्या कार्याची महती आपल्या उत्स्फूर्त प्रेरणादायी गीतगायनातून उपस्थितांना प्रेरकपणे दिली. यावेळी शालेय विद्यार्थिनींनी केलेली महाराष्ट्राची पारंपारिक वेशभूषा सर्वांचे लक्ष वेधून घेत होती .शाळेतील उपशिक्षक श्री दीपक वसंतराव चव्हाण सर व शाळेच्या मुख्याध्यापिका सौ संगिता धनंजय पाटील मॅडम यांनी विद्यार्थ्यांना शिवरायांच्या कार्याविषयी माहिती सांगितली. उपस्थित सर्व विद्यार्थ्यांना शाळेतर्फेपेन व चॉकलेट असे वाटप करण्यात आले. उपस्थित सर्वांचे आभार श्री. दीपक चव्हाण सर यांनी मानले.

महाराष्ट्र गीत गायन....

https://youtu.be/A2vtDOkaIVE

रिजवान अजित तडवी....

https://youtu.be/oztHWs2tOtE

महाराष्ट्र गीत गायन....

     दि २९/१२/२०२२ रोजी   शारदा विद्यामंदिर साकळी येथे संपन्न झालेल्या केंद्रस्तरीय शिक्षणपरिषदेत जिल्हा परिषद प्राथमिक शाळा शिरसाड येथील उपक्रमशील तंत्रस्नेही विद्यार्थीप्रिय कर्तव्यनिष्ठ उपशिक्षक श्री. दीपक वसंतराव चव्हाण यांचा नवोपक्रम सादर केल्याबद्दल केंद्रप्रमुख श्री. किशोर चौधरी सर व शारदा विद्यामंदिर साकळीचे प्राचार्य श्री. आर. जे. महाजन सर यांनी सत्कार केला . श्री दीपक वसंतराव चव्हाण सर यांचे मनःपूर्वक अभिनंदन.

                       महात्मा ज्योतिबा फुले यांची जयंती साजरी

(११ एप्रिल २०२२)

           शैक्षणिक क्रांतीसाठी आपले जीवन अर्पण करणारे शिक्षणतज्ज्ञ , क्रांती सूर्य ,थोर तत्वज्ञ ,महात्मा ज्योतिबा फुले यांची आज जयंती.... यानिमित्त जि. प .प्रा . शाळा शिरसाड, ता- यावल जि- जळगाव  येथे महात्मा ज्योतिबा फुले यांच्या प्रतिमेचे पूजन करून पुष्पहार अर्पण करून विनम्र अभिवादन करण्यात आले. यावेळी शाळेतील शिक्षक श्री महेबूब शेख, श्री दीपक वसंतराव चव्हाण आणि शाळेच्या मुख्याध्यापिका सौ. संगिता धनंजय पाटील यांनी विद्यार्थ्यांना महात्मा ज्योतिबा फुले यांच्या कार्याविषयी माहिती सांगितली.